【မိသားစုနှင့်အတူနေထိုင်ခွင့်・ယာယီနေထိုင်ခွင့်】မိသားစုနဲ့သူငယ်ချင်းတွေကို ဂျပန်ကို ခေါ်နိုင်သောVisa၂မျိူး

ဂျပန်မှာ အလုပ်လုပ်နေတဲ့ နိုင်ငံခြားသားတွေအနေနဲ့ ကိုယ့်မိဘ၊ ဆွေမျိုး၊ သူငယ်ချင်းတွေကို ဂျပန်ကို ခေါ်ချင်တာ သဘာဝပါပဲ။ ဒါပေမယ့် ဘယ်လိုခေါ်မလဲဆိုတဲ့ ရည်ရွယ်ချက်ပေါ် မူတည်ပြီး လိုအပ်တဲ့ စာရွက်စာတမ်းနဲ့ လုပ်ထုံးလုပ်နည်းတွေက အများကြီး ကွာခြားပါတယ်။

ဥပမာပြောရရင် ကိုယ့်ရဲ့အိမ်ထောင်ဖက်၊ သားသမီးနဲ့ အတူတူနေထိုင်ဖို့ ခေါ်တာမျိုးဖြစ်တဲ့ မိသားစုနှင့်အတူနေထိုင်ခွင့် (Family Stay Visa) နဲ့ မိဘ၊ သူငယ်ချင်းတွေကို အလည်အပတ် ခဏခေါ်တာမျိုးဖြစ်တဲ့ ယာယီနေထိုင်ခွင့် (Temporary Visa) တို့က လုံးဝမတူပါဘူး။ ဒါကြောင့် ကိုယ့်ရဲ့အခြေအနေနဲ့ ဘယ်လိုခေါ်ချင်လဲဆိုတာကို သေချာနားလည်ထားမှ အဆင်ပြေပြေနဲ့ ခေါ်ယူနိုင်မှာပါ။

ဒီဆောင်းပါးမှာတော့ ကျွမ်းကျင်သူဖြစ်တဲ့ 行政書士ရဲ့ အမြင်ကနေ ဂျပန်မှာနေထိုင်တဲ့ နိုင်ငံခြားသားတွေ မိသားစု ဒါမှမဟုတ် သူငယ်ချင်းတွေကို ခေါ်ယူနိုင်တဲ့ နည်းလမ်းနှစ်ခုဖြစ်တဲ့ “မိသားစုနှင့်အတူနေထိုင်ခွင့်” နဲ့ “ယာယီနေထိုင်ခွင့်” တို့ရဲ့ ကွာခြားချက်တွေ၊ လိုအပ်တဲ့ စာရွက်စာတမ်းတွေနဲ့ သိထားသင့်တဲ့အချက်တွေကို အသေးစိတ် ရှင်းပြထားပါတယ်။

---

目次

1. 日本へ家族や友人を呼ぶための二つの主要な方法

   • 目的で分かれる「家族滞在」と「短期滞在」

   • 「家族滞在」と「短期滞在」の概要比較

   • 親族や兄弟姉妹、友人を中長期にわたり日本に招聘するための在留資格は、原則として存在しない

2. 【中長期滞在】配偶者や子と日本で暮らす「家族滞在」

   • 在留資格「家族滞在」とは

   • 対象となる家族の範囲

   • 「家族滞在」の取得の要件

   • 申請手続きの流れ：在留資格認定証明書交付申請

   • 「家族滞在」の主な必要書類

3. 【短期滞在】親族や友人を日本へ招待する「短期滞在」

   • 「短期滞在」とは

   • 対象者と招聘人・身元保証人の役割

   • ビザ免除国・地域とビザ申請が必要な国

   • 申請手続きの流れ（ビザ申請が必要な場合）

   • 「短期滞在」の主な必要書類

4. 申請前に確認すべき事項と注意点

   • 扶養者・身元保証人の収入

   • 招聘に至る経緯・理由の具体性

   • 「短期滞在」から他の中長期在留資格への変更は原則不可

   • 複数の家族を異なる目的で招聘する場合

5. まとめ

---

1.ဂျပန်သို့ မိသားစုနှင့် သူငယ်ချင်းများကို ခေါ်ယူခြင်းအတွက် အဓိကနည်းလမ်းနှစ်ခု

နိုင်ငံခြားသားများအတွက် ဂျပန်သို့ မိသားစု သို့မဟုတ် သူငယ်ချင်းများကို ခေါ်ယူရာတွင် နေထိုင်မည့် ရည်ရွယ်ချက် နှင့် ကာလ ပေါ် မူတည်ပြီး အဓိကနည်းလမ်း (၂) ခု ကွဲပြားပါသည်။

• အိမ်ထောင်ဖက် သို့မဟုတ် သားသမီးများနှင့် ရေရှည်အတူနေထိုင်လိုပါက→ မိသားစုဗီဇာကို လျှောက်ထားရမည်။

• မိဘ၊ မွေးချင်း၊ သူငယ်ချင်း၊ ချစ်သူစသည်ဖြင့် ရေတိုကာလ (အများဆုံး ၉၀ ရက်) နေထိုင်ရန် ဂျပန်သို့ ခေါ်ယူလိုပါက→ ကာလတိုနေထိုင်ခွင့်ဗီဇာ ကို လျှောက်ထားရမည်ဖြစ်သည်။

  
  

「မိသားစုဗီဇာ」「ကာလတိုနေထိုင်ခွင့်ဗီဇာ」ကွာခြားချက်

	မိသားစုဗီဇာ	ကာလတိုဗီဇာ
ရည်ရွယ်ချက်	စောင့်ရှောက်သူ (ဂျပန်တွင် အလုပ်လုပ်ကိုင်နေသော နိုင်ငံခြားသား) ၏ ထောက်ပံ့မှုအောက်တွင် ဂျပန်၌ နေထိုင်ရန်	အပန်းဖြေခရီး၊ ဆွေမျိုး မိတ်ဆွေများထံ အလည်အပတ်၊ ရေတိုစီးပွားရေးလုပ်ငန်း
ပစ်မှတ်ပုဂ္ဂိုလ်များ	စောင့်ရှောက်သူ၏ အိမ်ထောင်ဖက် သို့မဟုတ် သားသမီးများ	မိသားစုဝင်များ၊ သူငယ်ချင်းများအပါအဝင်
နေထိုင်ခွင့်ကာလ	၅ နှစ်ထက်မပိုသော ကာလ	၁၅ ရက်၊ ၃၀ ရက်၊ ၉၀ ရက်
အလုပ်လုပ်ကိုင်ခွင့်	ပုံမှန်အားဖြင့် ခွင့်မပြု（ခွင့်ပြုချက် ရရှိပါက သတ်မှတ်ထားသော ကန့်သတ်ချက်များအတွင်း အလုပ်လုပ်နိုင်သည်）	မရှိ
လျှောက်ထားရမည့်နေရာ	ဂျပန်နိုင်ငံရှိ လူဝင်မှုကြီးကြပ်ရေးရုံး	နေထိုင်ရာနိုင်ငံရှိ ဂျပန်သံရုံး (သို့) ကောင်စစ်ဝန်ချုပ်ရုံး
လုပ်ငန်းစဉ်ဆောင်ရွက်ရမည့်သူ	ဂျပန်တွင် နေထိုင်သော စောင့်ရှောက်သူ (ခေါ်ယူသူ)	နိုင်ငံခြားတွင် နေထိုင်သော လျှောက်ထားသူ ကိုယ်တိုင် (ခေါ်ယူသူမှ လည်းဂျပန်တွင် စာရွက်စာတမ်းများ ပြင်ဆင်ရမည်)
သတိပြုရန်	စောင့်ရှောက်သူ၏ ထောက်ပံ့နိုင်စွမ်း၊ လက်ထပ်ထားခြင်း သို့မဟုတ် မိဘနှင့်သားသမီး ဆက်ဆံရေး၏ ခိုင်လုံမှု	ခေါ်ယူရခြင်း ရည်ရွယ်ချက်၏ သင့်လျော်မှု၊ ပြန်လည်ထွက်ခွာမည့် အာမခံချက်၊ နေထိုင်စရိတ်ကျခံနိုင်စွမ်းရှိမှု

မိဘ၊ မွေးချင်း သို့မဟုတ် သူငယ်ချင်းများအတွက် ရေရှည်နေထိုင်ခွင့်မရှိခြင်း

၂၀၂၅ ခုနှစ်အထိ ဂျပန်နိုင်ငံ၏ နေထိုင်ခွင့်စနစ်တွင် နိုင်ငံခြားသား မိဘ၊ မွေးချင်း သို့မဟုတ် သူငယ်ချင်းများကို ဂျပန်သို့ ခေါ်ယူပြီး ရေရှည်အတူနေထိုင်နိုင်သည့် နေထိုင်ခွင့်အမျိုးအစားသည် အချို့သော အထူးကိစ္စများမှလွဲ၍ မရှိပါ။

ထို့ကြောင့်၊ အထက်ဖော်ပြပါ ဆွေမျိုးများနှင့် ဂျပန်တွင် ရေရှည်အတူနေထိုင်လိုပါက ၎င်းတို့ကို ဗီဇာဖြင့် ခေါ်ယူမည့်အစား ၎င်းတို့ကိုယ်တိုင် အလုပ်လုပ်ကိုင်ခွင့်ကဲ့သို့သော သင့်လျော်သည့် နေထိုင်ခွင့်အမျိုးအစားတစ်ခုကို ရရှိပြီးမှသာ ဂျပန်သို့ လာရောက်ရန် လိုအပ်ပါသည်။

2.【မိသားစုဗီဇာ】အိမ်ထောင်ဖက် နှင့် သားသမီး ဖိတ်ခေါ်သည့်မိသားစုဗီဇာ

မိသားစုဗီဇာ၏ အကျဉ်းချုပ်ｑား

 ဂျပန်တွင် အလုပ် သို့မဟုတ် ပညာသင်ယူမှုဆိုင်ရာ နေထိုင်ခွင့်ရှိသည့် နိုင်ငံခြားသား၏ အိမ်ထောင်ဖက် သို့မဟုတ် သားသမီးများက ၎င်းတို့၏ စောင့်ရှောက်မှုအောက်တွင် ပုံမှန်နေ့စဉ်ဘဝကို ဖြတ်သန်းရန်အတွက် ရည်ရွယ်သည်။

ဗီဇာလျှောက်ထားနိုင်သည့် မိသားစုဝင်များ

မိသားစုနှင့်အတူနေထိုင်ခွင့်ဗီဇာသည် ဂျပန်တွင် သတ်မှတ်ထားသော နေထိုင်ခွင့်ရှိသူတစ်ဦးက ၎င်း၏ အိမ်ထောင်ဖက် သို့မဟုတ် သားသမီး ကို ခေါ်ယူရန်အတွက်သာဖြစ်သည်။

• အိမ်ထောင်ဖက်-ဂျပန်ဥပဒေအရ တရားဝင် လက်ထပ်ထားသော အိမ်ထောင်ဖက်သာ အကျုံးဝင်သည်။ လက်မထပ်ဘဲ အတူနေထိုင်သူများ သို့မဟုတ် လိင်တူလက်ထပ်ထားသူများအတွက် လက်ရှိတွင် မပါဝင်သေးပါ။

• သားသမီး-သားသမီးအရင်းများအပြင်၊ မွေးစားသားသမီးများနှင့် တရားဝင် အသိအမှတ်ပြုထားသော သားသမီးများလည်း ပါဝင်သည်။ အရွယ်ရောက်ပြီးသော သားသမီးဖြစ်ပါက မိဘအပေါ် စီးပွားရေးအရ မှီခိုနေရကြောင်း ခိုင်လုံသော အကြောင်းပြချက်ကို တင်ပြရန်လိုအပ်သည်။

• မပါဝင်သည့် ဆွေမျိုးများ

  မိဘနှင့် မွေးချင်းများသည်မိသားစုဗီဇာဖြင့်အကျံုးမဝင်ပါ။ခေါ်ယူလိုပါက ကာလတိုဗီဇာ ကိုသာ စဉ်းစားနိုင်သည်။

အဓိကလိုအပ်ချက်များ

မိသားစုနှင့်အတူနေထိုင်ခွင့်ဗီဇာရရှိရန် အောက်ပါအချက်များကို ပြည့်မီရမည်။

• စောင့်ရှောက်သူ၏ နေထိုင်ခွင့်အမျိုးအစား 

  ခေါ်ယူသူသည်「ပါမောက္ခ」「နည်းပညာ/လူမှုရေးပညာ/နိုင်ငံတကာလုပ်ငန်း」「Ginouကျွမ်းကျင်မှု」「စီမံခန့်ခွဲမှု」「ကျောင်းသား」ကဲ့သို့သော နေထိုင်ခွင့်များ ရှိရမည်။「Ginouကျွမ်းကျင်မှု. 1」နှင့်「အလုပ်သင်」တို့မပါဝင်ပါ။

  
  

• ‌ထောက်ပံ့နိုင်မှု：

   ထောက်ပံ့သူသည် ခေါ်ယူမည့်မိသားစုကို စီးပွားရေးအရ တာဝန်ယူနိုင်ကြောင်းနှင့် တည်ငြိမ်သော ဝင်ငွေရှိကြောင်း သက်သေပြရမည်။

  
  

• ဗီဇာရရှိသူ၏ လှုပ်ရှားမှု： 

  ဂျပန်သို့ ရောက်ရှိလာမည့် မိသားစုဝင်များသည် စောင့်ရှောက်သူ၏ ထောက်ပံ့မှုဖြင့်သာ ပုံမှန်နေ့စဉ်ဘဝကို ဖြတ်သန်းရမည်။ မိမိဘာသာ အလုပ်လုပ်ကိုင်၍ ဝင်ငွေရှာခြင်းကို ခွင့်မပြုပါ။ အချိန်ပိုင်းအလုပ် လုပ်ကိုင်လိုပါကခွင့်ပြုချက် ကို ကြိုတင်ရယူထားရန် လိုအပ်သည်။

  
  

လျှောက်ထားခြင်းလုပ်ငန်းစဉ်အဆင့်များ：COEလျှောက်ထားခြင်း

နိုင်ငံခြားမှ မိသားစုဝင်များကို ခေါ်ယူရန်အတွက် အောက်ပါအတိုင်း အဆင့် ၅ ဆင့်ဖြင့် ဆောင်ရွက်နိုင်သည်။

Step１：လိုအပ်သော စာရွက်စာတမ်းများ ပြင်ဆင်ခြင်း

• ဂျပန်တွင်နေထိုင်သူကလဝက သို့ တင်ပြရန် စာရွက်စာတမ်းများ စုဆောင်းပြင်ဆင်ရမည်။

  
  

Step２：နေထိုင်ခွင့်လက်မှတ် လျှောက်ထားခြင်း

• ထောက်ပံ့သူက ၎င်း၏နေထိုင်ရာဒေသရှိ လဝက တွင်COEကို လျှောက်ရမည်။

  
  

Step３：လက်မှတ်ရယူပြီး ပေးပို့ခြင်း

• စိစစ်မှုအောင်မြင်ပါက လဝကမှ နေထိုင်ခွင့်လက်မှတ် (COE) ကို ထုတ်ပေးမည်။ ထိုလက်မှတ်ကို လက်ခံရယူပြီး နိုင်ငံခြားရှိ မိသားစုဝင်ထံ ပို့ပေးရမည်။

  
  

Step４：ဗီဇာလျှောက်ထားခြင်း

• လက်မှတ်ရရှိသည့် မိသားစုဝင်က ၎င်းတို့၏ နိုင်ငံရှိ ဂျပန်သံရုံး သို့မဟုတ် ကောင်စစ်ဝန်ချုပ်ရုံးတွင် ဗီဇာလျှောက်ထားရမည်။

  
  

Step５：ဂျပန်သို့ ရောက်ရှိခြင်း

• ဗီဇာရရှိပြီးနောက် ၃ လအတွင်း ဂျပန်သို့ လာရောက်ရမည်။ အဓိကလေဆိပ်များတွင် လူဝင်မှုကြီးကြပ်ရေး စစ်ဆေးချိန်၌ နေထိုင်ခွင့်ကတ် (Residence Card) ကို ထုတ်ပေးမည်ဖြစ်ပြီး ဂျပန်တွင် နေထိုင်မှုစတင်နိုင်သည်။

  
  

မိသားစုနှင့်အတူနေထိုင်ခွင့်ဗီဇာအတွက် အဓိကလိုအပ်သော စာရွက်စာတမ်းများ

ပြင်ဆင်ရမည့်သူ	လိုအပ်သောစာရွက်စာတမ်းအမျိုးအစား	ဖြည့်စွက်ချက်
ဂျပန်တွင် နေထိုင်သူ (စောင့်ရှောက်သူ)	နေထိုင်ခွင့်လက်မှတ် ထုတ်ပေးရန် လျှောက်လွှာပုံစံ
ဓာတ်ပုံ (၄ စင်တီမီတာ x ၃ စင်တီမီတာ)	လာရောက်မည့် လျှောက်ထားသူ၏ ဓာတ်ပုံ
ပြန်လည်ပေးပို့ရန်အတွက် စာအိတ်
ဆွေမျိုးတော်စပ်ကြောင်း အထောက်အထားစာရွက်	လက်ထပ်လက်မှတ်၊ မွေးစာရင်း၊ မိသားစုစာရင်းဇယား စသည်
စောင့်ရှောက်သူ၏ နေထိုင်ခွင့်ကတ် သို့မဟုတ် နိုင်ငံကူးလက်မှတ် မိတ္တူ
စောင့်ရှောက်သူ၏ အလုပ်အကိုင်နှင့် ဝင်ငွေအထောက်အထား	အလုပ်ဝင်ရောက်မှု လက်မှတ်၊ ဝင်ငွေခွန်ထမ်းဆောင်ထားကြောင်း ထောက်ခံစာ (နောက်ဆုံး ၁ နှစ်စာ) စသည်
အခြားလိုအပ်ချက်များ	အခြေအနေပေါ်မူတည်ပြီး ဘဏ်စာရင်းလက်ကျန်ထောက်ခံစာ စသည်ဖြင့် တောင်းဆိုနိုင်သည်
နိုင်ငံခြားတွင် နေထိုင်သူ (လျှောက်ထားသူ)	ဗီဇာလျှောက်လွှာ စာရွက်စာတမ်းများ( ဗီဇာလျှောက်လွှာပုံစံ၊ ဓာတ်ပုံ၊ နိုင်ငံကူးလက်မှတ်၊ နေထိုင်ခွင့်လက်မှတ် (မူရင်း) စသည်	နိုင်ငံအလိုက် ကွဲပြားသည်

3.【ကာလတိုဗီဇာ 】ဆွေမျိုးများနှင့် သူငယ်ချင်းများကို ဂျပန်သို့ ဖိတ်ခေါ်သည့် ကာလတိုဗီဇာ  

ကာလတိုဗီဇာ၏ အကျဉ်းချုပ်

ကာလတိုဗီဇာဆိုသည်မှာ ဂျပန်နိုင်ငံတွင် ခရီးသွားခြင်း၊ အပန်းဖြေခြင်း၊ အားကစားပြုလုပ်ခြင်း၊ ဆွေမျိုး သို့မဟုတ် မိတ်ဆွေများထံ အလည်အပတ်သွားရောက်ခြင်း၊ သို့မဟုတ် ရေတိုစီးပွားရေးလုပ်ငန်းများ လုပ်ကိုင်ရန်အတွက် ရည်ရွယ်သည့် နေထိုင်ခွင့်အမျိုးအစားဖြစ်သည်။ နေထိုင်ခွင့်ကာလကို ၁၅ ရက်၊ ၃၀ ရက် သို့မဟုတ် ၉၀ ရက် အတွင်း သတ်မှတ်ပေးပြီး၊ ဝင်ငွေရရှိမည့် လုပ်ငန်းများကို လုံးဝခွင့်မပြုပါ။

လျှောက်ထားနိုင်သူနှင့် ဖိတ်ခေါ်သူ

မိသားစုဗီဇာကဲ့သို့ အိမ်ထောင်ဖက်နှင့် သားသမီးများကိုသာ ကန့်သတ်မထားဘဲ၊ ရေတိုနေထိုင်ခွင့်ဗီဇာသည် အောက်ပါကဲ့သို့သော ကျယ်ပြန့်သည့် ဆက်ဆံရေးရှိသူများကိုပါ ဖိတ်ခေါ်နိုင်သည်-

• မိဘများ၊ အဘိုးအဘွားများ၊ မွေးချင်းများအပါအဝင် ဆွေမျိုးများ

• သူငယ်ချင်းများ၊ မိတ်ဆွေများ

• ချစ်သူ (စေ့စပ်ထားသူများအပါအဝင်)

ဂျပန်တွင် အလုပ်လုပ်ကိုင်ခွင့်ရှိသည့် နိုင်ငံခြားသားတစ်ဦးသည် ဤပုဂ္ဂိုလ်များကို ဖိတ်ခေါ်ရာတွင် ဖိတ်ခေါ်သူနှင့် တာဝန်ခံသူ အဖြစ် အဓိက တာဝန်ယူရသည်။

• ဖိတ်ခေါ်သူ : နိုင်ငံခြားသားကို ဂျပန်သို့ ခေါ်ယူသူဖြစ်သည်။ နေထိုင်မည့် အစီအစဉ်များနှင့် ဖိတ်ခေါ်ရခြင်း၏ အကြောင်းရင်းများကို စာရွက်စာတမ်းဖြင့် ပြင်ဆင်ပြီး တင်ပြရသည်။

• တာဝန်ခံသူ : ဗီဇာလျှောက်ထားသူ ဂျပန်တွင် နေထိုင်စဉ်အတွင်း လိုအပ်မည့် စရိတ်စကများနှင့် ပြန်လည်ထွက်ခွာမည့် ခရီးစရိတ်များကို တာဝန်ယူပေးသူဖြစ်သည်။ ဖိတ်ခေါ်သူနှင့် တာဝန်ခံသူသည် တစ်ဦးတည်းဖြစ်ရန် မလိုအပ်ဘဲ ခွဲခြား၍ ဆောင်ရွက်နိုင်သည်။

ဗီဇာကင်းလွတ်ခွင့်ရှိသော နိုင်ငံများနှင့် ဗီဇာလျှောက်ထားရမည့်နိုင်ငံများ

နိုင်ငံအားလုံးသည် ရေတိုနေထိုင်ခွင့်အတွက် ဗီဇာလိုအပ်သည် မဟုတ်ပါ။ ဂျပန်သည် နိုင်ငံများစွာနှင့် ဗီဇာကင်းလွတ်ခွင့် သဘောတူညီချက်များ ချုပ်ဆိုထားသည်။ ဥပမာအားဖြင့်၊ အမေရိကန်၊ တောင်ကိုရီးယား၊ ထိုင်ဝမ်၊ ဗြိတိန်၊ ပြင်သစ်၊ ဂျာမနီ စသည့်နိုင်ငံများမှ ပုဂ္ဂိုလ်များသည် ၉၀ ရက်အတွင်း ခရီးသွားခြင်းကဲ့သို့သော ရည်ရွယ်ချက်များအတွက် ဗီဇာမလိုဘဲ ဂျပန်သို့ လာရောက်နိုင်သည်။

သို့သော်၊ တရုတ်၊ ဖိလစ်ပိုင်၊ ဗီယက်နမ်၊ ရုရှား စသည့် ဗီဇာကင်းလွတ်ခွင့်မရှိသော နိုင်ငံများမှ ပုဂ္ဂိုလ်များသည် ဂျပန်သို့ မလာရောက်မီ ၎င်းတို့နိုင်ငံရှိ ဂျပန်သံရုံး သို့မဟုတ် ကောင်စစ်ဝန်ချုပ်ရုံးတွင် ကာလတိုဗီဇာကို ကြိုတင်လျှောက်ထားရမည်။

သင်၏နိုင်ငံသည် ဗီဇာကင်းလွတ်ခွင့် အကျုံးဝင်ခြင်း ရှိ၊ မရှိကို ဂျပန်နိုင်ငံခြားရေးဝန်ကြီးဌာန၏ ဝက်ဘ်ဆိုဒ်မှ အောက်ပါလင့်ခ်အတိုင်း စစ်ဆေးနိုင်ပါသည်။ နိုင်ငံခြားရေးဝန်ကြီးဌာန- ဗီဇာကင်းလွတ်ခွင့်နိုင်ငံများနှင့် နယ်မြေများ (https://www.mofa.go.jp/mofaj/toko/visa/tanki/novisa.html)

လျှောက်ထားခြင်းလုပ်ငန်းစဉ်အဆင့်များ (ဗီဇာလိုအပ်သည့်အခါ)

Step１：ဖိတ်ခေါ်သူ/တာဝန်ခံသူမှ စာရွက်စာတမ်းများ ပြင်ဆင်၍ ပေးပို့ခြင်း

• ဂျပန်တွင်ရှိသော ဖိတ်ခေါ်သူနှင့် တာဝန်ခံသူသည် ဖိတ်ခေါ်ရခြင်းအကြောင်းရင်း၊ တာဝန်ခံမှုစာ၊ နေထိုင်မည့် အစီအစဉ်များကဲ့သို့သော လိုအပ်သည့် စာရွက်စာတမ်းအားလုံးကို ပြင်ဆင်၍ နိုင်ငံခြားရှိ လျှောက်ထားသူ (ဆွေမျိုး သို့မဟုတ် သူငယ်ချင်း) ထံသို့ ပေးပို့ရသည်။ လျှောက်ထားသူ ကိုယ်တိုင် မူရင်းစာရွက်စာတမ်းများကို တင်ပြရန် လိုအပ်သည်။

  
  

Step２：လျှောက်ထားသူမှ သံရုံးတွင် ဗီဇာလျှောက်ထားခြင်း

• လျှောက်ထားသူသည် ဂျပန်မှ ရရှိသော စာရွက်စာတမ်းများနှင့် ၎င်းကိုယ်တိုင် ပြင်ဆင်ထားသည့် စာရွက်စာတမ်းများ (နိုင်ငံကူးလက်မှတ်၊ ဗီဇာလျှောက်လွှာပုံစံ စသည်) ကို ပူးတွဲ၍ ၎င်းတို့နေထိုင်ရာ ဒေသဆိုင်ရာ ဂျပန်သံရုံး သို့မဟုတ် ကောင်စစ်ဝန်ချုပ်ရုံးတွင် ဗီဇာလျှောက်ထားရသည်။

  
  

Step３：ဂျပန်သို့ ရောက်ရှိခြင်း

• ဗီဇာရရှိပြီးနောက် ဗီဇာ၏ သက်တမ်းကာလအတွင်း ဂျပန်သို့ လာရောက်နိုင်သည်။

ကာလတိုဗီဇာအတွက် အဓိကလိုအပ်သော စာရွက်စာတမ်းများ

လျှောက်ထားသည့်နိုင်ငံနှင့် ရည်ရွယ်ချက်ပေါ် မူတည်၍ လိုအပ်သော စာရွက်စာတမ်းများ ကွဲပြားနိုင်သော်လည်း၊ အဓိကအားဖြင့် အောက်ပါစာရွက်များကို တင်ပြရမည်။

ပြင်ဆင်ရမည့်သူ	စာရွက်စာတမ်းအမျိုးအစား	ဖြည့်စွက်ချက်
ဂျပန်တွင်နေထိုင်သူ (ဖိတ်ခေါ်သူ/တာဝန်ခံသူ)	ဖိတ်ခေါ်ရခြင်း အကြောင်းပြချက်စာ	လျှောက်ထားသူနှင့် ဆက်ဆံရေးနှင့် ဖိတ်ခေါ်ရခြင်း အကြောင်းရင်းများကို အသေးစိတ်ရေးသားရမည်။
နေထိုင်မည့် အစီအစဉ်ဇယား	နေ့ရက်အလိုက် လုပ်ဆောင်မည့် အကြောင်းအရာများ၊ ဆက်သွယ်ရန်လိပ်စာ၊ တည်းခိုမည့်နေရာများကို အသေးစိတ်ရေးသားရမည်။
ID card
အိမ်ထောင်စုစာရင်း	မိသားစုဝင်အားလုံး ပါဝင်သော စာရင်း။
အလုပ်လုပ်နေကြောင်းလက်မှတ်
ဝင်ငွေနှင့် အခွန်ထမ်းဆောင်မှု အထောက်အထားစာရွက်များ	ဝင်ငွေခွန်ထမ်းဆောင်ကြောင်း လက်မှတ်၊ အခွန်ဆိုင်ရာ စာရွက်စာတမ်းများ (စုစုပေါင်းဝင်ငွေဖော်ပြထားသည်)၊ ဝင်ငွေကြေညာစာတမ်း မိတ္တူ စသည်
လက်ရှိ နေထိုင်ခွင့်ကတ် ( Residence Card) ၏ ရှေ့/နောက်ဘက် မိတ္တူ
နိုင်ငံခြားတွင် နေထိုင်သူ (လျှောက်ထားသူ)	ဗီဇာလျှောက်လွှာပုံစံ
ဓာတ်ပုံ
နိုင်ငံကူးလက်မှတ်
လေယာဉ်လက်မှတ်ကြိုတင်စာရင်း သို့မဟုတ် e-ticket စသည်
လျှောက်ထားသူနှင့် ဖိတ်ခေါ်သူတို့၏ ဆက်ဆံရေးကို သက်သေပြနိုင်သော အထောက်အထားများ	ဆွေမျိုးဖြစ်ပါက: မွေးစာရင်း၊ လက်ထပ်လက်မှတ် စသည်၊ သူငယ်ချင်းဖြစ်ပါက: စာများ၊ အီးမေးလ်များ၊ အတူရိုက်ထားသော ဓာတ်ပုံများ စသည်

4.လျှောက်ထားခြင်းမပြုမီ ကြိုတင်စစ်ဆေးသင့်သည့် အချက်များနှင့် သတိပြုရန်အချက်များ

စောင့်ရှောက်သူ/တာဝန်ခံ၏ ဝင်ငွေအခြေအနေ

• မိသားစုဗီဇာ: စောင့်ရှောက်သူ၏ စဉ်ဆက်မပြတ်နှင့် တည်ငြိမ်သော ဝင်ငွေ သည် စိစစ်မှု၏ အရေးကြီးသော အချက်တစ်ချက်ဖြစ်သည်။ မိသားစုဝင်များ တိုးလာသော်လည်း နိုင်ငံတော်၏ အကူအညီများကို မယူဘဲ တည်ငြိမ်စွာ နေထိုင်နိုင်ကြောင်းကို သက်သေပြရန် လိုအပ်သည်။

• ကာလတိုဗီဇာ: တာဝန်ခံသူသည်လည်း လုံလောက်သော စီးပွားရေးအင်အားရှိရန် လိုအပ်သည်။ အကယ်၍ လျှောက်ထားသူသည် အရေးပေါ်အခြေအနေတစ်ရပ် ဖြစ်ပေါ်လာပါက နေထိုင်စရိတ်နှင့် ပြန်လည်ထွက်ခွာရန် စရိတ်များကို ကျခံနိုင်စွမ်းရှိ၊ မရှိကို စိစစ်သည်။

  
  

ဖိတ်ခေါ်ရခြင်း၏ အကြောင်းပြချက်နှင့် ခိုင်လုံမှု

• မိသားစုဗီဇာ： 

   အိမ်ထောင်သည် သို့မဟုတ် မိဘနှင့်သားသမီး ဆက်ဆံရေးသည် အမှန်တကယ်ဖြစ်ကြောင်းကို တရားဝင်အထောက်အထားများဖြင့် သက်သေပြရန် လိုအပ်သည်။

  
  

• ကာလတိုဗီဇာ：

   မည်သည့်အတွက်ကြောင့် ထိုပုဂ္ဂိုလ်ကို ဂျပန်သို့ ဖိတ်ခေါ်လိုကြောင်းကို "ဖိတ်ခေါ်ရခြင်း အကြောင်းပြချက်စာ" တွင် အသေးစိတ်ရေးသားဖော်ပြရန် အထူးအရေးကြီးသည်။ အထူးသဖြင့် သူငယ်ချင်း သို့မဟုတ် ချစ်သူကို ဖိတ်ခေါ်သည့်အခါ "SNS မှ သိကျွမ်းသည်" သို့မဟုတ် "မြို့လည်ပတ်ပြလိုသည်" ကဲ့သို့သော မရေရာသည့် အကြောင်းပြချက်များသည် မလုံလောက်ပါ။ မည်သို့ စတင်တွေ့ဆုံခဲ့ပုံ၊ ဆက်ဆံရေး မည်သို့တိုးတက်လာပုံ၊ ယခင်က မည်သို့ဆက်သွယ်ခဲ့ပုံ (ဓာတ်ပုံ သို့မဟုတ် အီးမေးလ်များဖြင့် သက်သေပြနိုင်သည်)၊ ဂျပန်တွင် အတူတူ မည်သို့လုပ်ကိုင်လိုကြောင်း စသည်တို့ကို ယုံကြည်စိတ်ချရအောင် ရှင်းပြရန်လိုအပ်သည်။

ကာလတိုဗီဇာမှအခြားနေထိုင်ခွင့်အမျိုးအစားသို့ ပြောင်းလဲခြင်းအားခွင့်မပြုခြင်း

နေထိုင်သူသည် ရှောင်လွှဲ၍မရသည့် အထူးအခြေအနေများမှလွဲ၍ အခြားနေထိုင်ခွင့်အမျိုးအစားသို့ ပြောင်းလဲရန် ခွင့်မပြုပါ။ ဥပမာအားဖြင့် ကာလတိုဗီဇာဖြင့် ဂျပန်သို့ စမ်းသပ်လာရောက်ပြီးနောက်မိသားစုဗီဇာသို့ ပြောင်းလဲလျှောက်ထားခြင်းသည် ခွင့်မပြုကြောင်း သတိပြုသင့်သည်။

မိသားစုဝင်များစွာကို မတူညီသည့် ရည်ရွယ်ချက်များဖြင့် ဖိတ်ခေါ်သည့်အခါ

ဥပမာအားဖြင့်"ဇနီးနှင့် သားသမီးများကို 'မိသားစုနှင့်အတူနေထိုင်ခွင့်' ဖြင့် ခေါ်ယူပြီး၊ မိဘများကို မြေးမျက်နှာလာရောက်ကြည့်ရှုရန်အတွက် 'ရေတိုနေထိုင်ခွင့်' ဖြင့် လာရောက်စေလိုသည်" ဟူသော ကိစ္စမျိုးလည်း ဖြစ်နိုင်သည်။ ထိုသို့သောအခြေအနေတွင်၊ လုပ်ငန်းစဉ်များကို တစ်ချိန်တည်း သို့မဟုတ် အချိန်ကွာခြား၍ ဆောင်ရွက်ရမည်။ ထိုကဲ့သို့ လုပ်ဆောင်ရာတွင် လုပ်ငန်းစဉ်တစ်ဖက်တည်းသာ ခွင့်မပြုခြင်းမျိုး မဖြစ်စေရန် လိုအပ်ချက်များ ကိုက်ညီမှုရှိ၊ မရှိကို ဂရုတစိုက်စိစစ်၍ အချိန်ဇယားစီမံခန့်ခွဲမှုအပါအဝင် လျှောက်ထားရာတွင် သတိထားရန်လိုအပ်သည်။

5. နိဂုံးချုပ်

ဂျပန်တွင် အလုပ်လုပ်ကိုင်နေသော နိုင်ငံခြားသားများအတွက် မိခင်နိုင်ငံမှ ဆွေမျိုးများနှင့် သူငယ်ချင်းများကို ဖိတ်ခေါ်ရန် အဓိကအားဖြင့်ကာလတိုဗီဇာ　မိသားစုဗီဇာဟူ၍ နှစ်မျိုးရှိသည်။

အဆိုပါဗီဇာနှစ်မျိုးသည် လျှောက်ထားနိုင်သူများ၊ လိုအပ်ချက်များနှင့် လုပ်ငန်းစဉ်များ လုံးဝကွဲပြားခြားနားသည်။ ထို့ကြောင့် မိမိ၏ရည်ရွယ်ချက်ကို ရှင်းလင်းစွာသိရှိပြီး သင့်လျော်သော လုပ်ငန်းစဉ်ကို ရွေးချယ်ရန် မရှိမဖြစ်လိုအပ်သည်။ အထူးသဖြင့် မိမိ၏ စောင့်ရှောက်နိုင်စွမ်းနှင့် ဝင်ငွေအထောက်အထား၊ ဖိတ်ခေါ်ရခြင်း၏ ခိုင်လုံသော အကြောင်းပြချက်တို့ကို တင်ပြခြင်းသည် မည်သည့်လုပ်ငန်းစဉ်တွင်မဆို အရေးကြီးသော သော့ချက်ဖြစ်သည်။

Chogo Gyoseishoshi  သည် အကောင်းဆုံး အကြံဉာဏ်များနှင့် အကူအညီများကို ပေးအပ်လျက်ရှိသည်။ သင့်မိသားစုနှင့် သူငယ်ချင်းများနှင့် ဂျပန်တွင် အဖိုးတန်အချိန်များကို အတူတကွ ပိုင်ဆိုင်နိုင်ရန် ကူညီပေးပါမည်။ ပထမဆုံး အကြိမ် အခမဲ့ တိုင်ပင်ဆွေးနွေးမှုများ ပြုလုပ်နိုင်ပါသဖြင့် လွယ်ကူစွာ ဆက်သွယ်မေးမြန်းနိုင်ပါသည်။

短期滞在

60

Book Now

---

参考：

• 出入国在留管理庁：在留資格「家族滞在」https://www.moj.go.jp/isa/applications/status/dependent.html

• 出入国在留管理庁：在留資格認定証明書交付申請https://www.moj.go.jp/isa/applications/procedures/16-1.html

• 外務省：ビザ(査証)

  https://www.mofa.go.jp/mofaj/toko/visa/index.html

• 外務省：ビザ免除国・地域（短期滞在）https://www.mofa.go.jp/mofaj/toko/visa/tanki/novisa.html